ᛖᛚᛁᛊᚢᛒᛖᚦ ᚹᚱᚨᛖᛏ ᚱᚢᚾᚨ

ᛘᛅᛚ᛬ᛚᚢᛘᚴᚢᚿ᛬ᚱᛅᛁᛋᛏᛁ᛬ᚴᚱᚢᛋ᛬ᚦᛁᚾᛅ᛬ᛁᚠᛏᛁᚱ᛬ᛘᛅᛚ᛬ᛘᚢᚱᚢ᛬ᚠᚢᛋᛏᚱᛅ᛬ᛋᛁᚾᛁ᛬ᛏᚭᛏᛁᚱᛏᚢᚠᚴᛅᛚᛋ᛬ᚴᚭᚾᛅ᛬ᛁᛋ᛬ᛅᚦᛁᛋᛚ᛬ᛅᛏᛁ᛭
ᛒᛁᛏᚱᛅᛁᛋ᛬ᛚᛅᛁᚠᛅ᛬ᚠᚢᛋᛏᚱᛅ᛬ᚴᚢᚦᛅᚾ᛬ᚦᛅᚾ᛬ᛋᚭᚾ᛬ᛁᛚᛅᚾ᛭

ᚠᚢᚦᚨᚱ

᛭ᚱᛇᚾᛋᛏᛖᚡᛥ᛭

ᚻᚹᚨᛏ! ᚹᛖ ᚷᚪᚱᛞᛖᚾᚪ ᛁᚾ ᚷᛠᚱᛞᚪᚷᚢᛗ,
ᚦᛇᛞᚳᚣᚾᛁᛝᚪ, ᚦᚱᚣᛗ ᚷᛖᚠᚱᚢᚾᚩᚾ,
ᚻᚢ ᚦᚪ ᚨᚦᛖᛚᛁᛝᚪᛋ ᛖᛚᛚᛖᚾ ᚠᚱᛖᛗᛖᛞᚩᚾ.
ᚩᚠᛏ ᛋᚳᚣᛚᛞ ᛋᚳᛖᚠᛁᛝ ᛋᚳᛠᚦᛖᚾᚪ ᚦᚱᛠᛏᚢᛗ,

ᛗᚩᚾᛖᚷᚢᛗ ᛗᚨᚷᚦᚢᛗ, ᛗᛇᛞᚩᛋᛖᛏᛚᚪ ᚩᚠᛏᛠᚻ,
ᛖᚷᛋᚩᛞᛖ ᛇᚱᛚᚪᛋ. ᛋᚣᚦᚦᚪᚾ ᚨᚱᛖᛥ ᚹᛠᚱᚦ
ᚠᛠᛋᚳᛠᚠᛏ ᚠᚢᚾᛞᛖᚾ, ᚻᛖ ᚦᚨᛋ ᚠᚱᚩᚠᚱᛖ ᚷᛖᛒᚪᛞ,
ᚹᛇᛉ ᚢᚾᛞᛖᚱ ᚹᚩᛚᚳᚾᚢᛗ, ᚹᛇᚱᚦᛗᚣᚾᛞᚢᛗ ᚦᚪᚻ,
ᚩᚦᚦᚨᛏ ᚻᛁᛗ ᚨᚷᚻᚹᚣᛚᚳ ᚦᚪᚱᚪ ᚣᛗᛒᛋᛁᛏᛏᛖᚾᛞᚱᚪ

ᚩᚠᛖᚱ ᚻᚱᚩᚾᚱᚪᛞᛖ ᚻᚣᚱᚪᚾ ᛋᚳᚩᛚᛞᛖ,
ᚷᚩᛗᛒᚪᚾ ᚷᚣᛚᛞᚪᚾ. ᚦᚨᛏ ᚹᚨᛋ ᚷᚩᛞ ᚳᚣᚾᛁᛝ!
ᚦᚨᛗ ᛠᚠᛖᚱᚪ ᚹᚨᛋ ᚨᚠᛏᛖᚱ ᚳᛖᚾᚾᛖᛞ,
ᚷᛇᛝ ᛁᚾ ᚷᛠᚱᛞᚢᛗ, ᚦᚩᚾᛖ ᚷᚩᛞ ᛋᛖᚾᛞᛖ
ᚠᚩᛚᚳᛖ ᛏᚩ ᚠᚱᚩᚠᚱᛖ; ᚠᚣᚱᛖᚾᚦᛠᚱᚠᛖ ᚩᛝᛠᛏ

ᚦᛖ ᚻᛁᛖ ᚨᚱ ᛞᚱᚢᚷᚩᚾ ᚪᛚᛞᚩᚱᛚᛠᛋᛖ
ᛚᚪᛝᛖ ᚻᚹᛁᛚᛖ. ᚻᛁᛗ ᚦᚨᛋ ᛚᛁᚠᚠᚱᛠ,
ᚹᚢᛚᛞᚱᛖᛋ ᚹᛠᛚᛞᛖᚾᛞ, ᚹᚩᚱᚩᛚᛞᚪᚱᛖ ᚠᚩᚱᚷᛠᚠ;
ᛒᛇᚹᚢᛚᚠ ᚹᚨᛋ ᛒᚱᛖᛗᛖ (ᛒᛚᚨᛞ ᚹᛁᛞᛖ ᛋᛈᚱᚪᛝ),
ᛋᚳᚣᛚᛞᛖᛋ ᛠᚠᛖᚱᚪ ᛋᚳᛖᛞᛖᛚᚪᚾᛞᚢᛗ ᛁᚾ.

ᛋᚹᚪ ᛋᚳᛠᛚ ᚷᛇᛝ ᚷᚢᛗᚪ ᚷᚩᛞᛖ ᚷᛖᚹᚣᚱᚳᛠᚾ,
ᚠᚱᚩᛗᚢᛗ ᚠᛇᚻᚷᛁᚠᛏᚢᛗ ᚩᚾ ᚠᚨᛞᛖᚱ ᛒᛠᚱᛗᛖ,
ᚦᚨᛏ ᚻᛁᚾᛖ ᚩᚾ ᚣᛚᛞᛖ ᛖᚠᛏ ᚷᛖᚹᚢᚾᛁᚷᛖᚾ
ᚹᛁᛚᚷᛖᛋᛁᚦᚪᛋ, ᚦᚩᚾᚾᛖ ᚹᛁᚷ ᚳᚢᛗᛖ,
ᛚᛇᛞᛖ ᚷᛖᛚᚨᛥᛖᚾ; ᛚᚩᚠᛞᚨᛞᚢᛗ ᛋᚳᛠᛚ

ᛁᚾ ᛗᚨᚷᚦᚪ ᚷᛖᚻᚹᚨᚱᛖ ᛗᚪᚾ ᚷᛖᚦᛇᚾ.
ᚻᛁᛗ ᚦᚪ ᛋᚳᚣᛚᛞ ᚷᛖᚹᚪᛏ ᛏᚩ ᚷᛖᛋᚳᚨᛈᚻᚹᛁᛚᛖ
ᚠᛖᛚᚪᚻᚱᚩᚱ ᚠᛖᚱᚪᚾ ᚩᚾ ᚠᚱᛠᚾ ᚹᚨᚱᛖ.
ᚻᛁ ᚻᚣᚾᛖ ᚦᚪ ᚨᛏᛒᚨᚱᚩᚾ ᛏᚩ ᛒᚱᛁᛗᛖᛋ ᚠᚪᚱᚩᚦᛖ,
ᛋᚹᚨᛋᛖ ᚷᛖᛋᛁᚦᚪᛋ, ᛋᚹᚪ ᚻᛖ ᛋᛖᛚᚠᚪ ᛒᚨᛞ,

ᚦᛖᚾᛞᛖᚾ ᚹᚩᚱᛞᚢᛗ ᚹᛇᛚᛞ ᚹᛁᚾᛖ ᛋᚳᚣᛚᛞᛁᛝᚪ;
ᛚᛇᚠ ᛚᚪᚾᛞᚠᚱᚢᛗᚪ ᛚᚪᛝᛖ ᚪᚻᛏᛖ.
ᚦᚨᚱ ᚨᛏ ᚻᚣᚦᛖ ᛥᚩᛞ ᚻᚱᛁᛝᛖᛞᛥᛖᚠᚾᚪ,
ᛁᛋᛁᚷ ᚩᚾᛞ ᚢᛏᚠᚢᛋ, ᚨᚦᛖᛚᛁᛝᛖᛋ ᚠᚨᚱ.
ᚪᛚᛖᛞᚩᚾ ᚦᚪ ᛚᛇᚠᚾᛖ ᚦᛇᛞᛖᚾ,

ᛒᛠᚷᚪ ᛒᚱᚣᛏᛏᚪᚾ, ᚩᚾ ᛒᛠᚱᛗ ᛋᚳᛁᛈᛖᛋ,
ᛗᚨᚱᚾᛖ ᛒᛖ ᛗᚨᛥᛖ. ᚦᚨᚱ ᚹᚨᛋ ᛗᚪᛞᛗᚪ ᚠᛖᛚᚪ
ᚩᚠ ᚠᛇᚱᚹᛖᚷᚢᛗ, ᚠᚱᚨᛏᚹᚪ, ᚷᛖᛚᚨᛞᛖᛞ;
ᚾᛖ ᚻᚣᚱᛞᛖ ᛁᚳ ᚳᚣᛗᛚᛁᚳᚩᚱ ᚳᛇᛚ ᚷᛖᚷᚣᚱᚹᚪᚾ
ᚻᛁᛚᛞᛖᚹᚨᛈᚾᚢᛗ ᚩᚾᛞ ᚻᛠᚦᚩᚹᚨᛞᚢᛗ,

ᛒᛁᛚᛚᚢᛗ ᚩᚾᛞ ᛒᚣᚱᚾᚢᛗ; ᚻᛁᛗ ᚩᚾ ᛒᛠᚱᛗᛖ ᛚᚨᚷ
ᛗᚪᛞᛗᚪ ᛗᚨᚾᛁᚷᚩ, ᚦᚪ ᚻᛁᛗ ᛗᛁᛞ ᛋᚳᚩᛚᛞᚩᚾ
ᚩᚾ ᚠᛚᚩᛞᛖᛋ ᚨᚻᛏ ᚠᛇᚱ ᚷᛖᚹᛁᛏᚪᚾ.
Nᚪᛚᚨᛋ ᚻᛁ ᚻᛁᚾᛖ ᛚᚨᛋᛋᚪᚾ ᛚᚪᚳᚢᛗ ᛏᛇᛞᚪᚾ,
ᚦᛇᛞᚷᛖᛥᚱᛇᚾᚢᛗ, ᚦᚩᚾ ᚦᚪ ᛞᚣᛞᚩᚾ

ᚦᛖ ᚻᛁᚾᛖ ᚨᛏ ᚠᚱᚢᛗᛋᚳᛠᚠᛏᛖ ᚠᚩᚱᚦ ᚩᚾᛋᛖᚾᛞᚩᚾ
ᚨᚾᚾᛖ ᚩᚠᛖᚱ ᚣᚦᛖ ᚢᛗᛒᚩᚱᚹᛖᛋᛖᚾᛞᛖ.
ᚦᚪ ᚷᚣᛏ ᚻᛁᛖ ᚻᛁᛗ ᚪᛋᛖᛏᛏᚩᚾ ᛋᛖᚷᛖᚾ ᚷᛖᛚᛞᛖᚾᚾᛖ
ᚻᛠᚻ ᚩᚠᛖᚱ ᚻᛠᚠᚩᛞ, ᛚᛖᛏᚩᚾ ᚻᚩᛚᛗ ᛒᛖᚱᚪᚾ,
ᚷᛠᚠᚩᚾ ᚩᚾ ᚷᚪᚱᛋᛖᚳᚷ; ᚻᛁᛗ ᚹᚨᛋ ᚷᛇᛗᚩᚱ ᛋᛖᚠᚪ,

ᛗᚢᚱᚾᛖᚾᛞᛖ ᛗᚩᛞ. ᛗᛖᚾ ᚾᛖ ᚳᚢᚾᚾᚩᚾ
ᛋᛖᚳᚷᚪᚾ ᛏᚩ ᛋᚩᚦᛖ, ᛋᛖᛚᛖᚱᚨᛞᛖᚾᛞᛖ,
ᚻᚨᛚᛖᚦ ᚢᚾᛞᛖᚱ ᚻᛇᚠᛖᚾᚢᛗ, ᚻᚹᚪ ᚦᚨᛗ ᚻᛚᚨᛥᛖ ᚩᚾᚠᛖᛝ.

Hwæt! We Gardena in geardagum,
þeodcyninga, þrym gefrunon,
hu ða æþelingas ellen fremedon.
Oft Scyld Scefing sceaþena þreatum,

monegum mægþum, meodosetla ofteah,
egsode eorlas. Syððan ærest wearð
feasceaft funden, he þæs frofre gebad,
weox under wolcnum, weorðmyndum þah,
oðþæt him æghwylc þara ymbsittendra

ofer hronrade hyran scolde,
gomban gyldan. þæt wæs god cyning!
Ðæm eafera wæs æfter cenned,
geong in geardum, þone god sende
folce to frofre; fyrenðearfe ongeat

þe hie ær drugon aldorlease
lange hwile. Him þæs liffrea,
wuldres wealdend, woroldare forgeaf;
Beowulf wæs breme (blæd wide sprang),
Scyldes eafera Scedelandum in.

Swa sceal geong guma gode gewyrcean,
fromum feohgiftum on fæder bearme,
þæt hine on ylde eft gewunigen
wilgesiþas, þonne wig cume,
leode gelæsten; lofdædum sceal

in mægþa gehwære man geþeon.
Him ða Scyld gewat to gescæphwile
felahror feran on frean wære.
Hi hyne þa ætbæron to brimes faroðe,
swæse gesiþas, swa he selfa bæd,

þenden wordum weold wine Scyldinga;
leof landfruma lange ahte.
þær æt hyðe stod hringedstefna,
isig ond utfus, æþelinges fær.
Aledon þa leofne þeoden,

beaga bryttan, on bearm scipes,
mærne be mæste. þær wæs madma fela
of feorwegum, frætwa, gelæded;
ne hyrde ic cymlicor ceol gegyrwan
hildewæpnum ond heaðowædum,

billum ond byrnum; him on bearme læg
madma mænigo, þa him mid scoldon
on flodes æht feor gewitan.
Nalæs hi hine læssan lacum teodan,
þeodgestreonum, þon þa dydon

þe hine æt frumsceafte forð onsendon
ænne ofer yðe umborwesende.
þa gyt hie him asetton segen geldenne
heah ofer heafod, leton holm beran,
geafon on garsecg; him wæs geomor sefa,

murnende mod. Men ne cunnon
secgan to soðe, selerædende,
hæleð under heofenum, hwa þæm hlæste onfeng.
